انا وولادى وباباهم بنمووووت فى اللازانيا بس غلاستها انك لو كلتيها فى مطعم تطلعى دافعه 100 جنيه
ولو اشتريتى المكرونه الكيس ب18جنيه
قررت اتعلمها واعملها فى البيت ومن يوم ما اتعلمتها ما بشتريهاش ابداااااااااااااااااااااااااااا
مقادير عجينه اللازانيا
2 كوب دقيق ---2 ملعقه زيت --- 4 بيضات-----رشه ملح -- يبقى التكلفه ( 5 جنيه بدل 18 حلوووووووووووووو)
الطريقه
يوضع الدقيق والزيت والملح أما البيض يضاف واحده واحده لحد ما العجينه تبقى متماسكه ومش بتلزق
شايفه على وشوشكم تساؤل مش حنعجن بميه حقولك لالالالالالالالالالالالالالالالالالالابيض وبس
وتفضلى تعجنى
وبعدين تفرديها بالنشابه كويس أوىومعلش العجينه رخمه وحتاخد منك مجهود عشان تفرديها رفيع جدا
افردى وافردى وافردى لحد ما يطلع لك مجانص وترابيس
قطعى العجينه على شكل مستطيلات
وده شكل المستطيل من قريب
نحط حله على النار وفيها ملعقه زيت وملح وننزل بمستطيل اللازانيا وقلت مستطيل واحد بس لانك لو حطتيهم كلهم حيلزقوا فى بعض
وابقى قابلينى لو عرفتى تفصليهم واول ما تحطى المستطيل حينزل فى قاع الحله ومش حتشوفيه
واول ما تستوى طلعيها طب اعرف ازاى انها استوت يا دودو حتلاقى مستطيل اللازانيا عايم على وش الميه
بعد كده نعمل اللحمه العصاج
طب فين تكاتك وحركاتك يا دودو فى العصاج
( شويه جوزه الطيب مبشور ومعلقه صلصه والبصل المتشوح على خفيف هى دى التكات )
ونعمل الباشميل
فين حركاتك وتكاتك فى الباشميل يا دودو
( فى الخلاط حطى 8 ملاعق دقيق + 1 علبه زبادى كبيره + قطعه جبن لافاش كيرى + كيلو الاربع لبن + مكعب ماجى +فلفل اسمر )
واخلطيهم تمام فى الخلاط وانزلى بيهم على حله فيها ملعقتي زبده على النار وقلبى قلبى على نار هاديه لحد ما يتخن معاكى
وكلى احلى واروع واخف باشميل
هاتى صينيه واعملى كده بالضبط طبقه باشميل وفوقها
طبقه لازانيا مرصوصه جنب بعض وفوقها
طبقه لحم
وكررى الحكايه المهم تنتهى بطبقه مكرونه وبعدين بشاميل على الوش
ودى طريقه رص شرايح اللازانيا
بس دخليها الفرن لحد ما تحمر ولما تطلعيها سيبيها تبرد شويه وبعدين قطعيها بالشكل ده
تحفه مووووووت
ليست هناك تعليقات:
إرسال تعليق