يا اجدع من الفطاطرى يا بت يا دودو

أول أطباقى اللى احب نتشارك فيها سوا هى الفطير اللى بيتباع فى المحلات  تحبوا تشوفوا الطريقه

طبعا كلنا بنحب الفطير اللى بنشتريه من الفطاطرى وهو اشكال وانواع
انا ولادى بيحبوه فطير اللحم المفروم عشان كده عملته وصورته ويارب يعجبكم

المقادير

2/1 كيلو دقيق ..... ماء للعجن .......2/1 ملعقه صغيره ملح

مكونات الحشو زى ما هى فى الصوره





لحم مفروم .طماطم مكعبات ..زيتون اخضر حلقات .. جبن رومى مبشور


الطريقه

نعجن الدقيق مع الماء لمده لا تقل عن نصف ساعه

نقسم المقدار على هيئه كرات ونضعها فى صينيه وندهنها بالزيت ونتركها بالثلاجه ما لا يقل عن ساعه



بعد كده ندهن الرخامه بالزيت ونبدأ بفرد العجين على قد ما نقدر شوفى كده





نبدأ نحشيها بالمكونات بتاعتنا وكل واحد ورغبته فى الحشو



وبعدين نقفلها زى الظرف وبتطلع بالشكل ده



نحطها فى الصينيه وندخلها الفرن لمده 7 دقائق وبعدين نقلبها ونحط طماطم وفلفل وزيتون وجبنه على وشها
وندخلها الفرن تانى 7 دقايق




وهنا بعد ما طلعت



وهنا بعد ما تقطعت واتفضلوا معانا



يارب يعجبكم وتجربوه

ملاحظات هامه

المقدار ده يعمل 4 فطائر
ضرورررررررررررررررى العجن مش اقل من نصف ساعه
ضروررررررررررررى العجينه ترتاح فى الثلاجه ساعه
ممكن تحشيها مشكل جبنات أو مشكل لحوم أو بسطرمه براحتك وبالهنا والشفا