طبعا ام ناهد دى الست اللى بتجيب لنا العيش فى المدرسه وسعيد ده بواب عمارتنا
طبعا بيجيبوا العيش اللى على مزاجهم محروق ماشى ناشف شغال بالرمله والمسامير ما يضرش
دخلت تحدى وقلت خلالالالالالالالالالالاص مش عاوزه عيش سعيد ولا عيش ام ناهد وعملته فى البيت
المقادير
4 كوب دقيق أسمر
2كوب دقيق ابيض ( الاسمر اكتر لانى ست رشيقه انيقه بتحافظ على وزنها ههههههههه)
2 ملعقه زيت
ملعقه خل
ملعقه ملح
خميره بيره مش الجافه بتاعت الناس الفافى
ماء دافىء للعجن
الطريقه
اعجنى لحد ما ايدك تورم بتاع نصف ساعه كده ( وماله ما انا فاضيه لا شغله ولا مشغله والبركه فى المديره القمر بتاعتنا)
سيبها تخمر لحد ما تتنفخ أد نفختك من حماتك واخت جوزك
قسميها كرات متساويه على أد ما تقدرى المقدار ده بيعمل 22 كره تقريبا
وسيبيها ترتاح شويه
افرديها بالنشابه واللى حتسأل يعنى ايه النشابه ماتدخلش المطبخ أساسا
طبعا الفرد على دقيق عشان ما تلزقش
دخليها الفرن وهنا تكمن المشكله
هو انا يا دودو محتاجه فرن فلاحى حقولك لا لا لا مع ان جوزى جابهولى من كتر ما انا شملوله
طب اعمل ايه يا دودو ؟ هاتى الصاج اللى جوه الفرن عندك وحنحط عليه الرغيف بشرط الفرن يكون سخن موت
والصاج سخن أخر حاجه وحاولى ما تلمسيش الرغيف كتير بعد فرده والا مش حيرتفع معاكى
وبعد دققتين فى الفرن ولعى الشوايه يتحمر ويرتفع وانتى قاعده له مربعه مش تحطيه وتروحى تكلمى مامتك فى التليفون
تعالوا اتفرجوا
وده الانتاج
ولو عوزاه أبيض مش أسمر استبدلى الدقيق الاسمر بالابيض ويبقى المقدار كله دقيق ابيض وبيطلع زى العيش الشامى اللى ب 50 قرش بالضبط
طبعا بيجيبوا العيش اللى على مزاجهم محروق ماشى ناشف شغال بالرمله والمسامير ما يضرش
دخلت تحدى وقلت خلالالالالالالالالالالاص مش عاوزه عيش سعيد ولا عيش ام ناهد وعملته فى البيت
المقادير
4 كوب دقيق أسمر
2كوب دقيق ابيض ( الاسمر اكتر لانى ست رشيقه انيقه بتحافظ على وزنها ههههههههه)
2 ملعقه زيت
ملعقه خل
ملعقه ملح
خميره بيره مش الجافه بتاعت الناس الفافى
ماء دافىء للعجن
الطريقه
اعجنى لحد ما ايدك تورم بتاع نصف ساعه كده ( وماله ما انا فاضيه لا شغله ولا مشغله والبركه فى المديره القمر بتاعتنا)
سيبها تخمر لحد ما تتنفخ أد نفختك من حماتك واخت جوزك
قسميها كرات متساويه على أد ما تقدرى المقدار ده بيعمل 22 كره تقريبا
وسيبيها ترتاح شويه
افرديها بالنشابه واللى حتسأل يعنى ايه النشابه ماتدخلش المطبخ أساسا
طبعا الفرد على دقيق عشان ما تلزقش
دخليها الفرن وهنا تكمن المشكله
هو انا يا دودو محتاجه فرن فلاحى حقولك لا لا لا مع ان جوزى جابهولى من كتر ما انا شملوله
طب اعمل ايه يا دودو ؟ هاتى الصاج اللى جوه الفرن عندك وحنحط عليه الرغيف بشرط الفرن يكون سخن موت
والصاج سخن أخر حاجه وحاولى ما تلمسيش الرغيف كتير بعد فرده والا مش حيرتفع معاكى
وبعد دققتين فى الفرن ولعى الشوايه يتحمر ويرتفع وانتى قاعده له مربعه مش تحطيه وتروحى تكلمى مامتك فى التليفون
تعالوا اتفرجوا
وده الانتاج
ولو عوزاه أبيض مش أسمر استبدلى الدقيق الاسمر بالابيض ويبقى المقدار كله دقيق ابيض وبيطلع زى العيش الشامى اللى ب 50 قرش بالضبط
ليست هناك تعليقات:
إرسال تعليق